গুৱাহাটীৰ অ’ডিটেক ষ্টুডিঅ’ত সম্প্ৰতি ৰোমান্টিক দৃশ্য-শ্ৰাব্য গীত "এটি এটি কথা"ৰ মুক্তি দিয়া হৈছে। বিশিষ্ট শিল্পী শান্তা উজীৰে গীতটো আনুষ্ঠানিকভাৱে উন্মোচন কৰে। গীতটোত গহপুৰৰ কণ্ঠশিল্পী সুৰভী সোনমনি হাজৰিকাই কণ্ঠদান কৰাৰ লগতে সুৰ, ৰচনা কৰিছে।। উন্মোচন অনুষ্ঠানত সংগীতজ্ঞ মানস হাজৰিকা, সংগীত পৰিচালক পলাশ গগৈ, সংগীতকাৰ দ্বীপ ৰাজবংশীকে ধৰি সংগীতজগতৰ বহু গৰাকী বিশিষ্ট ব্যক্তিয়ে অংশগ্ৰহণ কৰিছিল।

অসম ৰাজ্যিক বিদ্যালয় শিক্ষা পৰিষদৰ (SEBA) অধ্যক্ষ ৰমেশ চন্দ্ৰ জৈনক চাকৰিৰ পৰা বৰ্খাস্ত কৰাৰ দাবীত আজি গুৱাহাটীৰ বামুণীমৈদামত অৱস্থিত পৰিষদৰ কাৰ্যালয় ঘেৰাও কৰে কংগ্ৰেছৰ নেতা-কৰ্মীসকল। কংগ্ৰেছে অভিযোগ কৰিছে যে জৈনৰ নেতৃত্বত পৰিষদে ছাত্ৰ-ছাত্ৰীৰ ভৱিষ্যত ধ্বংস কৰিবলৈ অপচেষ্টা চলাইছে, যাৰ ফলত অসমত পৰীক্ষাৰ প্ৰশ্নকাকত ফাদিলৰ ধাৰাবাহিক ঘটনাই শিক্ষা ব্যৱস্থাক অস্থিৰ কৰি তুলিছে।

অসমৰ ৰাজধানী গুৱাহাটী উত্তাল হৈ উঠিছে অপ্ৰাদেশীকৃত শিক্ষক, কৰ্মচাৰী আৰু NPS (নতুন পেন্সন ব্যৱস্থা)ৰ অধীনত থকা কৰ্মচাৰীসকলৰ তীব্ৰ প্ৰতিবাদেৰে। দিছপুৰ লাষ্টগেটৰ পৰা চচললৈকে বিধানসভাৰ বাজেট অধিৱেশনৰ মাজতে চৰকাৰৰ বিৰুদ্ধে প্ৰতিবাদে গোটেই মহানগৰক অস্থিৰ কৰি তুলিছে।

গুৱাহাটী উচ্চ ন্যায়ালয়ৰ বাৰ এছ’চিয়েচনে আজি উচ্চ ন্যায়ালয় ৰংমহললৈ স্থানান্তৰৰ চৰকাৰী প্ৰস্তাৱৰ বিৰুদ্ধে পুনৰ তীব্ৰ প্ৰতিবাদ সাব্যস্ত কৰিছে। এছ’চিয়েচনে তিনি ঘণ্টীয়া অৱস্থান ধৰ্মঘট পালন কৰি উচ্চ ন্যায়ালয় স্থানান্তৰক যুক্তিহীন বুলি কটাক্ষ কৰে। তেওঁলোকে স্পষ্টকৈ ঘোষণা কৰে যে ৰংমহললৈ উচ্চ ন্যায়ালয় স্থানান্তৰৰ সলনি উত্তৰ-পূৰ্বাঞ্চলৰ বাবে উচ্চতম ন্যায়ালয়ৰ এটা বিচাৰপীঠ স্থাপনৰ দাবী জনাইছে।

অসম প্ৰদেশ কংগ্ৰেছৰ সভাপতি ভূপেন কুমাৰ বৰাই আজি বিজেপিৰ নৈতিকতাক লৈ প্ৰশ্ন উত্থাপন কৰে। তেওঁ কয় যে বিজেপি বিধানসভাত ষাঁড়-গৰুৰ দৰে ইফালে-সিফালে দৌৰি ফুৰিছে আৰু অসমৰ ভাগ্য ভাল যে এইবোৰৰ পৰা মুক্ত হ’ল। ভূপেন বৰাই মুখ্যমন্ত্ৰী হিমন্ত বিশ্ব শৰ্মা আৰু দিলীপ শইকীয়াৰ মাজত চলি থকা সংঘাতৰ কথা উল্লেখ কৰি কয় যে মুখ্যমন্ত্ৰীয়ে হীৰণ গোহাঁইক মালটো কৰপৰা টপকিল বুলি কৈছে, আনহাতে দিলীপ শইকীয়াৰ ছাৰক নমস্য বুলি কয়। শইকীয়াই দাদা ব্ৰিগেডৰ সদস্যক শ্বকজ জাৰি কৰিছে, কিন্তু নোমল মমিনৰ বিৰুদ্ধে কোনো ব্যৱস্থা গ্ৰহণ কৰা নাই। নোমল মমিনে ব্যৱস্থা ল’লেহেঁতেন অধ্যক্ষৰ চকীৰ গ’লহেঁতেন।

ৰাজ্যত নৱম শ্ৰেণী আৰু উচ্চতৰ মাধ্যমিকৰ প্ৰথম বৰ্ষৰ প্ৰশ্নকাকত ফাদিল হোৱাৰ ঘটনাক লৈ অসম প্ৰদেশ কংগ্ৰেছে তীব্ৰ প্ৰতিক্ৰিয়া ব্যক্ত কৰিছে। প্ৰশ্নকাকত ফাদিল হোৱাৰ ঘটনাৰ বিৰোধ কৰি অসম প্ৰদেশ কংগ্ৰেছৰ সভাপতি ভূপেন কুমাৰ বৰাই শিক্ষামন্ত্ৰী ৰণোজ পেগুৰ পদত্যাগ দাবী কৰিছে। এক বিবৃতিৰ যোগে ভূপেন কুমাৰ বৰাই কয় যে উচ্চতৰ মাধ্যমিকৰ প্ৰথম বৰ্ষৰ অংকৰ পৰীক্ষা হঠাতে কোনো কাৰণ নোহোৱাকৈ পিছুৱাই দিছে পৰীক্ষা নিয়ন্ত্ৰকে। একেদৰে শেহতীয়াকৈ গম পোৱা মতে, বৰপেটা জিলাৰ নৱম শ্ৰেণীৰ অংকৰ পৰীক্ষাৰ প্ৰশ্নকাকত আগতীয়াকৈ প্ৰকাশ হৈছে।

গুৱাহাটীত এক নাটকীয় অপহৰণ কাণ্ডই তীব্ৰ চাঞ্চল্যৰ সৃষ্টি কৰিছে। মৰিগাঁৱৰ ইক্ৰামুল হুছেইন চৌধুৰীক অপহৰণ কৰা হৈছে বুলি তেওঁৰ পত্নীয়ে দিছপুৰ আৰক্ষী থানাত অভিযোগ দাখিল কৰে। আৰক্ষীয়ে তিনিজন সন্দেহভাজনক আটক কৰি অপহৰণত ব্যৱহৃত দুখন বাহন জব্দ কৰে।

অপহৃত চৌধুৰীয়ে সংবাদ মাধ্যমক কয় যে মঙলবাৰে সন্ধিয়া ৬:৩০ বজাত প্ৰায় ১০-১২ জনীয়া যুৱকৰ দলে তেওঁক বলপূৰ্বক অপহৰণ কৰি একাধিক স্থানলৈ লৈ যায়। অপহৰণকাৰীসকলে তেওঁৰ পত্নীক মুক্তিপণ হিচাপে ৬ লাখ টকা দাবী কৰে। এই সময়ত তেওঁৰ পত্নীয়ে মৰিগাঁও আৰক্ষীক সতৰ্ক কৰে।