অসম প্ৰদেশ কংগ্ৰেছৰ সভাপতি ভূপেন কুমাৰ বৰাই আজি বিজেপিৰ নৈতিকতাক লৈ প্ৰশ্ন উত্থাপন কৰে। তেওঁ কয় যে বিজেপি বিধানসভাত ষাঁড়-গৰুৰ দৰে ইফালে-সিফালে দৌৰি ফুৰিছে আৰু অসমৰ ভাগ্য ভাল যে এইবোৰৰ পৰা মুক্ত হ’ল। ভূপেন বৰাই মুখ্যমন্ত্ৰী হিমন্ত বিশ্ব শৰ্মা আৰু দিলীপ শইকীয়াৰ মাজত চলি থকা সংঘাতৰ কথা উল্লেখ কৰি কয় যে মুখ্যমন্ত্ৰীয়ে হীৰণ গোহাঁইক মালটো কৰপৰা টপকিল বুলি কৈছে, আনহাতে দিলীপ শইকীয়াৰ ছাৰক নমস্য বুলি কয়। শইকীয়াই দাদা ব্ৰিগেডৰ সদস্যক শ্বকজ জাৰি কৰিছে, কিন্তু নোমল মমিনৰ বিৰুদ্ধে কোনো ব্যৱস্থা গ্ৰহণ কৰা নাই। নোমল মমিনে ব্যৱস্থা ল’লেহেঁতেন অধ্যক্ষৰ চকীৰ গ’লহেঁতেন।
ৰাজেন গোহাঁইৰ বিজেপিৰ কাৰ্যালয়ত প্ৰৱেশৰ প্ৰসংগত বৰাই কয় যে মুখ্যমন্ত্ৰীয়ে জয়ন্তমল্ল বৰুৱাই গতিয়াই উলিয়াই দিব লাগে বুলি কৈছিল, আনহাতে জয়ন্ত মল্ল বৰুৱাই কৈছিল যে ৰাজেন গোহাঁই বিজেপিৰ কাৰ্যালয়লৈ আহিলে তেওঁক কুবাই দিব লাগে। নতুন সভাপতিয়ে ৰাজেন গোহাঁইক নতশীৰে প্ৰণিপাত জনাইছে। ভূপেন বৰাই কয় যে জয়ন্ত মল্ল বৰুৱাৰ বাবে ৰাজেন গোহাঁয়ে কাৰ্যালয়লৈ আহিবলৈ ভয় খাইছিল।
আনহাতে, আজি গুৱাহাটীত অসম প্ৰদেশ কংগ্ৰেছৰ সভাপতি ভূপেন কুমাৰ বৰাৰ উপস্থিতিত প্ৰাক্তন আছু নেতাসহ কেইবাজনো জাতীয় সংগঠনৰ নেতাই কংগ্ৰেছত যোগদান কৰে। ধেমাজি জিলাৰ আছুৰ প্ৰাক্তন উপ-সভাপতি মনোৰঞ্জন চেতিয়া, আছুৰ জিলা কাৰ্যনিৰ্বাহক মণ্টু গগৈ, জিলা সাংগঠনিক সম্পাদক অঞ্জন গগৈ, আৰু শ্ৰীপানী আঞ্চলিক ছাত্ৰ সন্থাৰ কেইবাজনো প্ৰাক্তন সভাপতিয়ে কংগ্ৰেছত যোগদান কৰে। মুঠ ৩০ গৰাকী নেতা-কৰ্মীয়ে কংগ্ৰেছত যোগদান কৰে। ভূপেন বৰাই কয় যে এই যোগদানে ৰাভা হাচং স্বায়ত্ত শাসিত পৰিষদৰ নিৰ্বাচন আৰু আগন্তুক পঞ্চায়ত নিৰ্বাচনত কংগ্ৰেছৰ স্থিতি শক্তিশালী কৰিব।
ভূপেন বৰাই কয় যে পঞ্চায়ত নিৰ্বাচনৰ তাৰিখ ঘোষণা নকৰিলে কংগ্ৰেছে উচ্চ ন্যায়ালয়ৰ কাষ চাপিব। তেওঁ কয় যে ৫ এপ্ৰিলৰ ভিতৰত নিৰ্বাচনৰ তাৰিখ ঘোষণা নকৰিলে মুখ্যমন্ত্ৰী হিমন্ত বিশ্ব শৰ্মাই আইনী প্ৰক্ৰিয়াৰ পৰা বাচিব নোৱাৰিব। ভূপেন বৰাই অসমৰ বিৰোধী মিত্ৰজোটৰ সন্দৰ্ভত মন্তব্য কৰি কয় যে এইবাৰ অখিল গগৈয়ে ভাল হ’ব আৰু বিৰোধী ঐক্যমঞ্চৰ দায়িত্ব নাগৰিক সমাজে ল’ব। তেওঁ কয় যে সকলো আলোচনা যৌগাত্মক দিশত আগবাঢ়ি আছে আৰু এটা সমূহীয়া ঘোষণা কৰিবলৈ সক্ষম হ’ব।
২ এপ্ৰিলত অনুষ্ঠিত হ’বলগীয়া ৰাভা হাচং স্বায়ত্ত শাসিত পৰিষদৰ নিৰ্বাচনৰ পূৰ্বে ভূপেন বৰাই কংগ্ৰেছৰ বিজয় সুৰক্ষিত কৰাৰ ওপৰত আস্থা প্ৰকাশ কৰে। তেওঁ কয় যে যদি শাসকীয় বিজেপিয়ে ফলাফলৰ হেৰফেৰ নকৰে আৰু ধনবলৰ শক্তি ব্যৱহাৰ নকৰে, তেন্তে ৰাভা হাচংত কংগ্ৰেছে জয়ী হ’ব। পৰিষদৰ নিৰ্বাচনৰ পূৰ্বে কংগ্ৰেছৰ প্ৰাৰ্থীসকলে ভাবুকিৰ সন্মুখীন হৈছে বুলিও তেওঁ উল্লেখ কৰে।
