অসমৰ মুখ্যমন্ত্ৰী হিমন্ত বিশ্ব শৰ্মাক বাৰে বাৰে বিজ্ঞান আৰু প্ৰযুক্তি বিদ্যা বিশ্ববিদ্যালয় মেঘালয় চমুকৈ ইউএছটিএমক আক্ৰমণৰ লক্ষ্য কৰি লোৱাৰ লগতে পৰীক্ষাত নম্বৰ বঢ়াই দিয়াৰ ছাত্ৰৰ অভিযোগৰ ভিত্তিত  ইউএছটিএমৰ স্বত্বাধিকাৰী মহবুবুল হকক গ্ৰেপ্তাৰ কৰাত বৰ্তমানেও হক ন্যায়িক জিম্মাত কাৰাগাৰত বন্দী হৈ আছে৷ তাৰ মাজতে ইউএছটিএমক লৈ মেঘালয়ত দুই মেৰুত বিভাজিত হোৱা দেখা গৈছে বিজেপি আৰু এনপিপি দলক৷ বিজেপি আৰু এনপিপি দলে মিত্ৰতাৰে মেঘালয়ত চৰকাৰ চলাই থাকিলেও এনপিপ দল তথা দলৰটোৰ মুৰব্বী কনৰাড চাংমাই সদায়েই ইউএছটিএমৰ পক্ষত কথা কোৱা পৰিলক্ষিত হয়৷ আনহাতে অসমৰ বিজেপি নেতা মুখ্যমন্ত্ৰী হিমন্ত বিশ্ব শৰ্মা

অসমৰ গুৱাহাটীৰ ওচৰৰ টোপাটলিত এটা গৰ্ভৱতী হাতী হত্যাৰ ঘটনাই চিন্তাৰ সৃষ্টি কৰিছে। চোৰাং চিকাৰীৰ দ্বাৰা হাতীটো হত্যা কৰি মাংস কাটি নিয়া হৈছে বুলি সন্দেহ কৰা হৈছে। হাতীটোৰ মৃতদেহ গুৱাহাটীৰ অসম-মেঘালয় সীমান্তত উদ্ধাৰ কৰা হৈছিল। মৃতদেহটো পচি গৈছিল আৰু দেহৰ পৰা মাংস কাটি নিয়া হৈছিল। অৱশ্যে, ভ্ৰূণটো এতিয়াও হাতীটোৰ গৰ্ভত আছে বুলি বন বিষয়াজনে পিটিআইক জনাইছে।

পঞ্জাৱ চৰকাৰে খালিস্তানি বিচ্ছিন্নতাবাদী আৰু লোকসভাৰ সাংসদ অমৃতপাল সিঙৰ বিৰুদ্ধে ৰাষ্ট্ৰীয় সুৰক্ষা আইন (এনএছএ)ৰ ম্যাদ বৃদ্ধি নকৰাৰ সিদ্ধান্ত লৈছে। ফলত তেওঁক ডিব্ৰুগড় কেন্দ্ৰীয় কাৰাগাৰৰ পৰা পঞ্জাৱলৈ উভতাই অনাৰ পথ প্ৰশস্ত হৈছে। বৰ্তমান এনএছএৰ অধীনত আটক কৰা সিঙৰ আটকৰ ম্যাদ ২০২৫ চনৰ এপ্ৰিলত সমাপ্ত হ’ব। ইয়াৰোপৰি, পঞ্জাৱ আৰক্ষীয়ে ডিব্ৰুগড় কাৰাগাৰত বন্দী থকা অমৃতপাল সিঙৰ সাতজন সহযোগীক ঘূৰাই অনাৰ পৰিকল্পনা কৰিছে, কিয়নো ৰাজ্য চৰকাৰে এনএছএৰ অধীনত আটকৰ ম্যাদ সম্প্ৰসাৰণ নকৰাৰ সিদ্ধান্ত লৈছে।

অসমত বনাঞ্চলৰ হ্ৰাস আৰু হোলোঙাপাৰ গিবন অভয়াৰণ্যত তেল আৰু প্ৰাকৃতিক গেছ অন্বেষণৰ অনুমতি প্ৰদানৰ বিষয়টো লৈ আজি লোকসভাত তীব্ৰ প্ৰতিক্ৰিয়া দেখা গৈছে। কংগ্ৰেছ দলৰ উপ-দলপতি গৌৰৱ গগৈয়ে অসমত বনাঞ্চলৰ যথেষ্ট হ্ৰাস হোৱাৰ অভিযোগ উত্থাপন কৰি উদ্বেগ প্ৰকাশ কৰিছে। তেওঁ হোলোঙাপাৰ গিবন অভয়াৰণ্যত তেল আৰু প্ৰাকৃতিক গেছ অন্বেষণৰ অনুমতি প্ৰদানৰ সন্দৰ্ভত ডাঙৰ তেল কোম্পানীৰ স্বাৰ্থ জড়িত থকাৰ প্ৰশ্ন উত্থাপন কৰিছে। গগৈয়ে বন ধ্বংসত জড়িত জিলা বন বিষয়াৰ ভূমিকাৰ ওপৰত তদন্ত হ’বনে বুলিও কঠোৰ প্ৰশ্ন উত্থাপন কৰিছে।

অসমীয়াৰ মূৰত লোৱা, থাপনা পাতি মূৰ দোৱা স্বাভিমানৰ প্ৰতীক গামোচাক কোনোৱেই অপমান কৰিব নোৱাৰে। গামোচা লৈ কৰা অপমানৰ প্ৰতিবাদত আজি অসম প্ৰদেশ কংগ্ৰেছে গুৱাহাটীত এক বিশাল প্ৰতিবাদ কাৰ্যসূচী পালন কৰে আৰু কেন্দ্ৰীয় গৃহমন্ত্ৰী অমিত শ্বাহৰ প্ৰতিমূৰ্তি দাহ কৰে। গামোচাৰ প্ৰতি কৰা এই অপমানৰ বাবে কেন্দ্ৰীয় গৃহমন্ত্ৰীক ৰাজহুৱাভাৱে ক্ষমা বিচাৰিবলৈ দাবী জনায় অসম প্ৰদেশ কংগ্ৰেছ কমিটীয়ে।

অসম প্ৰদেশ কংগ্ৰেছে পঞ্চায়ত নিৰ্বাচনৰ তাৰিখ ৩০ মাৰ্চৰ ভিতৰত ঘোষণা নকৰিলে গৌহাটি উচ্চ ন্যায়ালয়ৰ কাষ চাপিব বুলি ভাবুকি দি হিমন্ত বিশ্ব শৰ্মা নেতৃত্বাধীন ৰাজ্য চৰকাৰক কঠোৰ সতৰ্কবাণী জনাইছে। দলৰ সভাপতি ভূপেন কুমাৰ বৰাই বিলম্ব হোৱাৰ ফলত কেন্দ্ৰীয় গ্ৰামোন্নয়ন পুঁজিত ১১০০ কোটি টকা কেন্দ্ৰলৈ উভতি যোৱাৰ আশংকা কৰিছে, যি টকা বৰ্তমান অব্যৱহৃত হৈ আছে।

গুৱাহাটী মহানগৰীত চিটিবাছৰ অতপালি অব্যাহত থাকোঁতে আজি পুনৰ এক ভয়ংকৰ পথ দুৰ্ঘটনাত এজন যুৱকৰ মৃত্যু হৈছে। নুনমাটিত সংঘটিত এই দুৰ্ঘটনাত এজন স্কুটী চালক থিতাতে নিহত হোৱা দেখা গৈছে। নিহত যুৱকজনৰ নাম অৰুণাচলৰ টিকিচি নবাব বুলি জনা গৈছে।

জানিব পৰা মতে, আজি দুপৰীয়া নাৰেংগী দিশৰ পৰা আহি থকা এএছ-০১-কেচি-৭৯৫১ নম্বৰৰ যাত্ৰী ভৰ্তি চিটিবাছখনে বিপৰীত দিশৰ পৰা আহি থকা এআৰ-০১-আৰ-০৮২৫ নম্বৰৰ স্কুটীখনক খুন্দা মাৰে। খুন্দা খাই স্কুটীখন বহু দূৰলৈ চোচোৰাই নিয়াত বাছখনৰ চকাৰ তলত সোমাই চূৰ্ণ-বিচূৰ্ণ হৈ পৰে। ফলত স্কুটী চালকজন থিতাতে নিহত হয়।

নৈকোষঃ

মোৰ শৈশৱ আৰু কৈশোৰৰ চিনাকি ঠাই নৈকোষ। ২০০৬ চনৰ কথা। মই বৰপাক মধ্য ইংৰাজী বিদ্যালয়ৰ পৰা প্ৰাথমিক শিক্ষা সমাপ্ত কৰি মাছখোৱা উচ্চতৰ মাধ্যমিক বিদ্যালয়ত নামভৰ্তি কৰিছিলো। মোৰ লগতে নামভৰ্তি কৰা পবিতা, মিলন আদি সহপাঠীসকলে তেতিয়া আমাৰ বিদ্যালয়ৰ কাষত থকা লাইপুলীয়া নদীৰে টুলুঙা নাৱত উঠি পাৰ হৈ আহিবলগীয়া হৈছিল। নৈকোষ গাঁৱত উঠি আমি চাইকেল লৈ বিদ্যালয়লৈ যাওঁ। নৈকোষ গাঁৱৰ কাষতে আমাৰ বিদ্যালয়খন অৱস্থিত।

নৈকোষৰ পাৰৰ গাঁওবাসীৰ জীৱনৰ বহু উত্থান-পতনৰ সাক্ষী এই নদীখন। নদীপাৰৰ লোকসকলৰ জীৱনশৈলী, ইয়াৰ বৈচিত্ৰ্যময় পৰিৱেশ, নদী-মানুহ আৰু পানীৰ সম্পৰ্কৰ বিষয়ে জানিবলৈ মই নৈকোষলৈ যাত্ৰা কৰিলোঁ।

গৃহ আৰু নগৰ পৰিক্ৰমা দপ্তৰৰ মন্ত্ৰী জয়ন্ত মল্লবৰুৱাই আজি গুৱাহাটী মহানগৰীৰ উন্নয়নৰ বাবে গ্ৰহণ কৰিবলগীয়া কেইবাটাও গুৰুত্বপূৰ্ণ বিষয়ক লৈ জনতা ভৱনত সংবাদমেল সম্বোধন কৰে। তেওঁ ৰাজধানী গুৱাহাটীৰ জ্বলন্ত সমস্যা কৃত্ৰিম বানপানী ৰোধৰ বাবে কেইবাটাও আঁচনি লোৱাৰ কথা উল্লেখ কৰে। মন্ত্ৰীজনে কয় যে বান নিয়ন্ত্ৰণৰ বাবে এক এছঅ’পি (Standard Operating Procedure) প্ৰস্তুত কৰা হৈছে। গৃহ আৰু নগৰ পৰিক্ৰমা বিভাগে বান সমস্যাৰ সৈতে মোকাবিলা কৰিবলৈ সুকীয়া পদ্ধতি অৱলম্বন কৰিছে।