পেক্স বেংকৰ সংঘটিত কোটি কোটি টকাৰ দুৰ্নীতি-অনিয়মৰ বিৰুদ্দে আজি বিৰোধী দল অসম জাতীয় পৰিষদৰ ভাতৃ সংগঠন জাতীয় যুৱ শক্তিয়ে উত্তাল প্ৰতিবাদ সাব্যস্ত কৰে৷ গুৱাহাটীৰ পাণবজাৰস্থিত বেংকটোৰ মুখ্য কাৰ্যালয়ৰ সন্মুখত ধৰ্ণা দি শেহতীয়াকৈ সংঘটিত বিয়াগোম কেলেংকাৰীৰ দতদন্ত দাবী কৰে অসম জাতীয় পৰিষদৰ ভাতৃ সংগঠন জাতীয় যুৱ শক্তিয়ে৷ আজি দুপৰীয়া অসম জাতীয় পৰিষদৰ ভাতৃ সংগঠনটোৱে প্ৰতিবাদ সাব্যস্ত কৰি শীঘ্ৰে দুৰ্নীতি তদন্ত কৰাৰ লগতে বেংকৰ অধ্যক্ষ বিশ্বজিৎ ফুকনক পদৰ পৰা অপসাৰণ কৰাৰ দাবী উত্থাপন কৰে৷ জাতীয় যুৱ শক্তিক শতাধিক নেতা-কৰ্মীয়ে হাতে হাতে বেনাৰ-পোষ্টাৰ লৈ শ্ল’গান দিয়াত উত্তাল পৰিৱেশৰ সৃষ্টি হয়৷ লুট বিশ্বজিৎ লুট-ৰাইজৰ টকা লুট, দুৰ্নীতিৰ মহানায়ক এপেক্স বেংকৰ মহানায়ক অধ্যক্ষ বিশ্বজিতক গ্ৰেপ্তাৰ কৰক, ৰাইজৰ বেংক এপেক্স বেংক ৰক্ষা কৰক, এপেক্স বেংকত দুৰ্নীতি বন্ধ কৰক, ২০ কোটি ৩০ লাখ টকা খালে ঐ বিশ্বজিৎ ফুকনে খালে আদি শ্লগানেৰে উত্তাল কৰি তোলে পৰিস্থিতি৷ প্ৰতিবাদকাৰীসকলে কয় যে সৰুপথাৰ সমষ্টিৰ বিধায়ক তথা এপেক্স বেংকৰ অধ্যক্ষ ফুকনে বেংকটোত লুণ্ঠন চলাই গৈছে৷ নিজ পত্নীয়ে চাকৰি কৰা মহাবিদ্যালয়ক কেৱল আৰ্থিক অনুদান প্ৰদান কৰিছে৷ সৰুপথাৰ মহাবিদ্যালয়ক চেমিনাৰ পাতিবলৈ বেংকৰ ফালৰ পৰা ২.২০ লাখ টকা দিয়া হৈছে৷ কিন্তু অসমৰ অন্য কোনো মহাবিদ্যালয়ক আজিলৈ অনুদান দিয়া নাই৷ এজন প্ৰতিবাদকাৰীয়ে কয় যে বেংকৰ ৱৰ্ড অফ ডাইৰেক্টৰৰ অনুমতি অবিহনেই অধ্যক্ষ বিশ্বজিৎ ফুকনৰ অনুগ্ৰহত মহাবিদ্যালয়খনে অনুদান লাভ কৰিছে৷ এপেক্স বেংকত গ্ৰাহকে জমা থোৱা ৰাজহুৱা ধনৰ অপচয় কৰা হৈছে৷ অধ্যক্ষ বিশ্বজিৎ ফুকনৰ অনিয়মৰ বিৰুদ্ধে ৰিজাৰ্ভ বেংক কৰ্তৃপক্ষলৈ পত্ৰ প্ৰদান কৰিছে অসম চৰকাৰৰ সমবায় বিভাগৰ উপ-সচিবে৷ এপেক্স বেংকৰ ডিজিটেল ট্ৰেন্সফৰ্মেচনৰ কাম প্ৰদানৰ নামত প্ৰায় ২০ কোটি টকীয়া কেলেংকাৰী সংঘটিত হৈছে৷ চিবিএছ প্লেটফৰ্মলৈ বেংকৰ সকলো তথ্য ছিফ্ট কৰি এটা ইণ্টিগ্ৰেটেত অপাৰেচন চিষ্টেম কাৰ্যকাৰীৰ নামত ঠিকা দিয়া হৈছিল৷ পূৰ্বে ঠিকা লাভ কৰিছিল ইনফ্ৰেচফ্ট প্ৰাইভেট লিমিটেডে ছফ্টৱেৰ যোগান ধৰিছিল বেংকক। চিষ্টেম পৰিচালনা কৰিছিল কেপিএনজি নামৰ এটা কনচাটেণ্ট প্ৰতিষ্ঠানে। একেই প্ৰতিষ্ঠানকে এইবাৰো ২৮ কোটি টকাৰ চুক্তি কৰা হৈছে৷ আজি প্ৰতিবাদ সাব্যস্ত কৰা সংগঠনটোৰ নেতৃত্বই কয় যে এপেক্স বেংকৰ অধ্যক্ষ বিশ্বজিৎ ফুকন আৰু পৰিচালন সঞ্চালক ডম্বৰু শইকীয়াই এনে সিদ্ধান্ত গ্ৰহণ কৰিছে৷ অধিক ধনৰ বিনিময়ত চিষ্টেম পৰিচালনাৰ দায়িত্ব পূৰ্বৰ কোম্পানীক গটাই কমিছনৰ অংক কৰা হৈছে। হাৰ্ডৱেৰৰ বাবদ ২৮ কোটি, ছফ্টৱেৰৰ বাবদ ৬ কোটি, মেইটেন্সৰ বাবদ ১৪ কোটি আৰু কনচাল্টটেণ্টৰ বাবদ ৪ কোটি টকা বেংক পৰা উলিয়াই দিব কোম্পানী কেইটাক। বেংকটোত চিবিএছৰ নামত এপেক্স বেংকটোত ১৫ কোটিতকৈ অধিক টকাৰ অনিয়ম সংঘটিত হৈছে। এই সন্দৰ্ভত বাতৰি প্ৰকাশ পাইছে৷ কিন্তু চৰকাৰ তথা ৰিজাৰ্ভ বেংকে গুৰুত্ব প্ৰদান কৰা নাই৷ যাৰ বাবে আমি আজি প্ৰতিবাদ কৰিবলৈ বাধ্য হৈছো৷ সংগঠনটোৱে কেলেংকাৰীৰ তদন্ত কৰিব অধ্যক্ষ বিশ্বজিৎ ফুকন আৰু পৰিচালন সঞ্চালক ডম্বৰু শইকীয়াক গ্ৰেপ্তাৰৰ দাবী উত্থাপন কৰে৷ আনহাতে আজি বেংকৰ সন্মুখত
প্ৰতিবাদৰ সময়তে গুৱাহাটীৰ এটা প্ৰতিষ্ঠিত সংবাদ প্ৰতিষ্ঠানৰ সাংবাদিকক আটক কৰা হয়৷ এপেক্স বেংকৰ সন্মুখত প্ৰতিবাদৰ সময়তে বেংকটোত সংঘটিত কেলংকাৰী সন্দৰ্ভত বেংকটোৰ ভিতৰত সোমাই পৰিচালন সঞ্চালকক প্ৰশ্ন কৰিবলৈ যোৱাত আটক কৰিছে সাংবাদিক দিলোৱাৰ হুছেইন মজুমদাৰক আটক কৰে৷
