মন্ত্ৰী ৰণজিৎ দাসক অনুসূচিত জাতিক অপমানৰ অভিযোগ

FIR against Ranjit das

মন্ত্ৰী ৰণজিৎ দাসক অনুসূচিত জাতিক অপমানৰ অভিযোগ

ৰাজনৈতিক আক্ৰোশপূৰ্ণ পৰিৱেশত বিজেপি নেতৃত্বাধীন অসম চৰকাৰে কংগ্ৰেছ নেতা তথা সাংবাদিকৰ বিৰুদ্ধে অনুসূচিত জাতি-জনজাতি অত্যাচাৰ নিবাৰণ আইন, ১৯৮৯ৰ ধাৰা প্ৰয়োগ কৰাৰ অভিযোগৰ মাজতে বিজেপি নেতা তথা অসম চৰকাৰৰ মন্ত্ৰী ৰণজিৎ দাসৰ এক মন্তব্যে ৰাজ্যত তীব্ৰ প্ৰতিক্ৰিয়াৰ সৃষ্টি কৰিছে। ৰাভা হাছং স্বায়ত্ত শাসিত পৰিষদৰ মিত্ৰজোটৰ প্ৰাৰ্থীৰ হৈ ভোট বিচাৰিবলৈ গৈ মন্ত্ৰী ৰণজিৎ দাসে অসমৰ অনুসূচিত জাতিৰ লোকসকলক অপমান কৰাৰ গুৰুতৰ অভিযোগ উঠিছে। ইতিমধ্যে, অনুসূচিত জাতি সংগ্ৰামী যুৱ পৰিষদৰ কেন্দ্ৰীয় সমিতিয়ে ৰণজিৎ দাসৰ বিৰুদ্ধে গুৱাহাটীৰ দিছপুৰ আৰক্ষী থানাত এজাহাৰ দাখিল কৰিছে।

১৮ মাৰ্চত ৰাভা হাছং স্বায়ত্ত শাসিত পৰিষদৰ ৩০ নং বামুণীগাঁও সমষ্টিত প্ৰচাৰকালে মন্ত্ৰী দাসে এখন সভাত কয়, "ভাৰতত চাৰিটা জাতি আছে—দুখীয়া, মহিলা, কৃষক আৰু যুৱক।" কিন্তু এই কথোপকথনৰ মাজতে তেওঁ অসমৰ অনুসূচিত জাতিৰ লোকক তুচ্ছ-তাচ্ছিল্য কৰা  শব্দ উল্লেখ কৰে।

ইয়াৰ প্ৰতিবাদত অনুসূচিত জাতি সংগ্ৰামী যুৱ পৰিষদৰ সভাপতি সঞ্জীৱ দাসে আৰক্ষীত এজাহাৰ দাখিল কৰে। সঞ্জীৱ দাসে কয়, "মন্ত্ৰীয়ে সংবিধানৰ শপত লৈয়ো অসাংবিধানিক শব্দ ব্যৱহাৰ কৰিলে। এই কথাটো সহ্য কৰিব নোৱাৰি।"

ইফালে, মন্ত্ৰী ৰণজিৎ দাসে আজি ক্ষমা খোজে আৰু কয়, "মোৰ মুখৰ পৰা শব্দটো অনিচ্ছাকৃতভাৱে ওলাই গ’ল। মই অনুতপ্ত আৰু ভৱিষ্যতত সাৱধান হ’ম।" কিন্তু সঞ্জীৱ দাসে ইয়াক অজুহাত বুলি কৈ কয়, "এনে শব্দ মগজুত থাকিলেহে মুখলৈ ওলায়। এই চৰকাৰ অনুসূচিত জাতি বিৰোধী।"

তেওঁ ৰাষ্ট্ৰপতি, প্ৰধানমন্ত্ৰী আৰু ৰাষ্ট্ৰীয় অনুসূচিত জাতি আয়োগলৈ এই বিষয়ত অভিযোগ পঠিয়াব বুলিও কয়।

Guwahati Dotcom
Guwahati Dotcom is a comprehensive online platform dedicated to the city of Guwahati. It serves as a hub for local businesses, tourists, and residents. 

Email: sales@guwahati.com

Social Media