মহানগৰীৰ ছয়মাইল অঞ্চলত এটা চাঞ্চল্যকৰ ঘটনাই ঠাই পাইছে। প্ৰেমৰ প্ৰতিশোধৰ নামত সংঘটিত হৈছে এক ভয়ংকৰ কাণ্ড। প্ৰিন্স ৰেচিডেন্সী নামৰ এপাৰ্টমেণ্টত মাজনিশা এগৰাকী যুৱতীৰ কোঠাত সোমাই তৰোৱালেৰে সন্ত্ৰাস সৃষ্টি কৰে দেৱজিৎ কুটুম নামৰ এজন ব্যক্তিয়ে।
জানিব পৰা মতে, প্ৰিন্স ৰেচিডেন্সীত ভাড়াতীয়া হিচাপে থকা এগৰাকী যুৱতীৰ সৈতে দেৱজিৎ কুটুমৰ সম্পৰ্ক আছিল। কিন্তু শেহতীয়াকৈ যুৱতীগৰাকীয়ে দেৱজিতৰ পৰা আঁতৰি থাকিবলৈ সিদ্ধান্ত লয়। এই কথাত খং আৰু প্ৰতিশোধৰ মনোভাৱেৰে দেৱজিতে মাজনিশা তৰোৱাল লৈ যুৱতীগৰাকীৰ কোঠাত সোমাই ভয় দেখুৱায়। এই ঘটনাত আতংকিত হৈ যুৱতীগৰাকী আৰু ভাড়াঘৰৰ অন্যান্য বাসিন্দাসকলে আৰক্ষীক খবৰ দিয়ে।
ঘটনাৰ সন্দৰ্ভত দিছপুৰ আৰক্ষী থানাত ভাড়াঘৰৰ মালিকে দেৱজিৎ কুটুমৰ বিৰুদ্ধে এজাহাৰ দাখিল কৰে। আৰক্ষীয়ে ঘটনাস্থলীত উপস্থিত হৈ দেৱজিতক গ্ৰেপ্তাৰ কৰে। উল্লেখযোগ্য যে, দেৱজিৎ কুটুম ছয়মাইলৰ ডঞি পল ল’জৰ স্বতাধিকাৰী।
এই ঘটনাই অঞ্চলটোত চাঞ্চল্যৰ সৃষ্টি কৰিছে। স্থানীয় বাসিন্দাসকলে আৰক্ষীৰ পৰা সুৰক্ষাৰ আশ্বাস বিচাৰিছে। আৰক্ষীয়ে ঘটনাটোৰ তদন্ত অব্যাহত ৰাখিছে আৰু অভিযুক্তক কঠোৰ কৰ্যব্যৰণালীৰ মাজেৰে ন্যায় দিবলৈ প্ৰতিশ্ৰুতিবদ্ধ হৈছে।
