গুৱাহাটী: আগন্তুক পঞ্চায়ত নিৰ্বাচনৰ পৰিপ্ৰেক্ষিতত মঙলবাৰে কামৰূপ মহানগৰ জিলাৰ খচৰা ভোটাৰ তালিকা প্ৰকাশ কৰিছে অসম ৰাজ্যিক নিৰ্বাচন আয়োগে। আয়োগে কামৰূপ (ম) জিলাৰ অন্তৰ্গত সকলো জিলা পৰিষদ, আঞ্চলিক পঞ্চায়ত আৰু গাঁও পঞ্চায়তৰ সমষ্টিসমূহৰ বাবে এই খচৰা ভোটাৰ তালিকা প্ৰকাশ কৰে। উল্লেখ্য যে, এই ভোটাৰ তালিকাখন অসম ৰাজ্যিক নিৰ্বাচন আয়োগৰ ৱেবছাইট https://ermssec.assam.gov.in ত উপলব্ধ কৰা হৈছে।

এই ভোটাৰ তালিকা প্ৰকাশৰ পিছত কামৰূপ (ম) জিলাৰ নিৱাসীসকলে নিজৰ নাম ভোটাৰ তালিকাত চাব বিচাৰে তেন্তে তেওঁলোকে ৰাজ্যিক নিৰ্বাচন আয়োগৰ ৱেবচাইটলৈ গৈ নিৰ্দিষ্ট ভোটগ্ৰহণ কেন্দ্ৰৰ সৱিশেষ উল্লেখ কৰি ভোটাৰ তালিকাখন ডাউনলোড কৰিব পাৰিব।