ব্ৰহ্মপুত্ৰত কালী পূজাৰ প্ৰতিমা বিসৰ্জনৰ সময়ত এজন যুৱকৰ মৃত্যু হোৱাৰ লগতে আন দুজনৰ কথমপি প্ৰাণৰক্ষা পৰে।
দুৰ্ভাগ্যজনক ঘটনাটো সংঘটিত হয় শুক্ৰেশ্বৰ ঘাটত। মৃত যুৱকজনক ব্ৰিজেশ বুলি চিনাক্ত কৰা হৈছে। তেওঁ আৰু আন দুজন যুৱকে কালীপূজাৰ প্ৰতিমা বিসৰ্জন কৰোতে পানীৰ ব্ৰহ্মপুত্ৰৰ কোবাল সোঁতত সোমাই পৰে।
একাংশ লোকে তৎপৰতা দেখুৱাই দুজন যুৱকক ৰক্ষা কৰে যদিও ব্ৰিজেশ পানীৰ সোঁতত উটি যায়। পাছত এনডিআৰএফৰ উদ্ধাৰকর্মীয়ে তেওঁক উদ্ধাৰ কৰে।
উদ্ধাৰ কৰা যুৱকজনক সংকটজনক অৱস্থাত সঞ্জীৱনী হাস্পতাললৈ নিয়া হয় যদিও চিকিৎসকে তেওঁক মৃত বুলি ঘোষণা কৰে।
