অৱশেষত চৰকাৰে নমনীয় স্থিতি গ্ৰহণ কৰি দীঘলীপুখুৰী-নুনমাটি উৰণীয়া সেঁতুৰ পূৰ্বৰ নক্সা সলনি কৰা হ’ব বুলি আদালতক অৱগত কৰে। আজিৰ দিনত অসম চৰকাৰে গুৱাহাটী উচ্চ ন্যায়ালয়ত শপতনামা দাখিল কৰি কয়, “উৰণীয়া সেঁতুখনৰ দীঘলীপুখুৰীপাৰ অংশ সলনি কৰা হ’ব।”
নতুন আৰ্হিৰ বিষয়ে চৰকাৰে জানিবলৈ দিয়ে, “ঐতিহ্যমণ্ডিত দীঘলীপুখুৰীপাৰ আৰু গছ-গছনি সুৰক্ষিত কৰা হ’ব। দীঘলীপুখুৰীপাৰৰ নাপাওতেই এটি ফালে জিএনবি ৰোড আৰু আন ফালে লেম্ব ৰোডত সেঁতুখন সমাপ্ত কৰা হ’ব।” চৰকাৰে আরও উল্লেখ কৰে যে, “উৰণীয়া সেঁতুখনৰ দৈৰ্ঘ্য হ্ৰাস কৰি গছ-গছনি সংৰক্ষণ কৰা হ’ব।”
আন্তঃগাঁথনি উন্নয়ন আৰু পৰিৱেশ সংৰক্ষণৰ ভাৰসাম্য ৰক্ষাৰ বাবে চৰকাৰে সকলো অংশীদাৰক বিকল্প ডিজাইনৰ বাবে সময় দিবলৈ আহ্বান জনায়। আদালতক চৰকাৰে জানায় যে, “উৰণীয়া সেঁতুখনক লৈ পৰ্যালোচনা, জৰীপ আৰু প্ৰস্তুতিৰ কাম চলি আছে।”
প্ৰথম অৱস্থাত দীঘলীপুখুৰীৰ তিনিটা পারেৰে উৰণীয়া সেঁতুখন লৈ যাওঁৰ কথা চিন্তা-চৰ্চা কৰিছিল চৰকাৰে। কিন্তু ঐতিহ্যবাহী দীঘলীপুখুৰীপাৰৰ গছ কটাৰ সিদ্ধান্তৰ বিৰুদ্ধে নগৰবাসীয়ে প্ৰতিবাদৰ জোৱাৰ তুলিছিল। সাংবাদিক মহেশ ডেকা, সমাজকৰ্মী জয়ন্ত গগৈ আৰু সাংবাদিক চন্দন বৰগোহাঁয়ে গুৱাহাটী উচ্চ ন্যায়ালয়ত ৰাজহুৱা স্বাৰ্থ জড়িত আবেদন দাখিল কৰে।
“নাগৰিকৰ প্ৰতিবাদৰ ফলত, মুখ্যমন্ত্ৰী হিমন্ত বিশ্ব শৰ্মাই দীঘলীপুখুৰীপাৰৰ গছ কটাৰ সিদ্ধান্ত বাতিল কৰি সেঁতুৰ ডিজাইন সলনি কৰা হ’ব বুলি ঘোষণা কৰিছিল,” চৰকাৰৰ পৰা জনোৱা হয়। মুখ্যমন্ত্ৰীৰ নিৰ্দেশত মুখ্য সচিবৰ নেতৃত্বত লোেক নিৰ্মাণ বিভাগে জৰুৰী বৈঠক অনুষ্ঠিত কৰি নক্সা সলনি কৰাৰ কামত হাত দিছিল। তথাপিও নগৰবাসী প্ৰতিবাদ চলাই গৈছিল।
“দীঘলীপুখুৰীপাৰৰ অস্তিত্ব সংৰক্ষণ কৰিবলৈ আমি প্ৰতিবাদ কৰি আছো,” আন্দোলনকাৰীয়ে কয়। মুখ্যমন্ত্ৰীয়ে খোদ দীঘলীপুখুৰীপাৰ ভ্ৰমণ কৰি ঘোষণা কৰে, “দীঘলীপুখুৰীপাৰৰ গছ কাটিব নোৱাৰি আৰু সেঁতু দীঘলীপুখুৰীপাৰত নিদিয়ে।”
ৰিজাৰ্ভ বেংকৰ পৰা গুৱাহাটী ক্লাৱ হৈ নুনমাটিলৈ নিৰ্মাণ হৈ থকা উৰণীয়া সেঁতুৰ বাবে ২৫ জোপা ডেৰশ-দুখ বছৰীয়া গছ কাটাৰ সিদ্ধান্তত নগৰবাসীৰ ক্ষোভ বিস্ফোৰিত হৈছিল। “গছক সাৱটি, গীত গাই, গছৰ তলত মানৱ শৃংখল কৰি প্ৰতিবাদ কৰি গৈছিল,” আন্দোলনকাৰীয়ে স্মৰণ কৰে।
